早兩日既傷痛,雖然未有咁快復原,不過我相信,嫲嫲都希望我地開開心心...
今日放工後eddie陪我食飯,食完飯就去買我地新屋第一樣大傢俱--床褥!其實之前我去過實惠睇過,都睇中左兩隻牌子--雅蘭同hikura(陳法拉代言既),兩張都試過,都可以叫做"魔鬼之床"!所謂"魔鬼之床",即係一訓上去就可以訓得著個種,個種威力實在係難以形容!
我帶埋EDDIE去試一試,因為佢都係張床既用家嗎,基本上佢一試hikura個張,已經話好舒服,雖然市面冇賣廣告,不過都好有market,而且價錢又平過雅蘭,唔算追求名牌既我地即刻比錢買左佢啦!
買左床褥,就去吉之島買定張床單,雖然要過哂BIG DAY先可以用(因為要用亞媽買既龍鳳被嗎),不過見佢岩岩而特價,所以都係買定!話明要攪KITTY+大口仔主題屋,梗係好多野都係KITTY+大口仔架啦,所以張床單就買大口仔喇!
床單連枕袋,竟然比上星期平左$30!!!!!慳錢既我地梗係買啦,$30喎!!!
買完床單,我地就去左家品鋪睇下有咩岩喇,本來打算O係ESD買個大口仔垃圾桶,見到家品鋪有,仲竟然平$20,不過原來實物都幾大,兩個人住,唔駛咁大啦!隔離既KITTY垃圾桶$100唔駛仲要SIZE岩哂,
經一家之主EDDIE決定,就帶個KITTY垃圾桶番屋企啦!
其實之前都買左D KITTY掛勾,
O係吉豬島十蚊店買,咁多隻都係$30,抵啦!
